இ - வரிசை இலவங்க பத்திரி

இலவங்கப் பத்திரி – LAVANGKA PATHTHIRI

ஆங்கிலப் பெயர் – ACHINNAMUM LEAVES

தாவரவியல் பெயர் – CHINNAMUM TAMALE, CASSIA LINGNEA

       இது இந்தியாவில் இமயமலை, கீழ்வங்காளம் முதலிய இடங்களிலும், பர்மா முதலிய நாடுகளிலும் விளைகிற ஒருவகை. இலவங்கப் பட்டைச் செடியின் குணமும் வாசனையும் இதற்கு உண்டு. இதன் பட்டை விலையுயர்ந்த இலங்கைக் கருவாபட்டைக்குப் பதில் உபயோகப்படுகிறது.

சுவை – கார்ப்பு, வீரியம் --- வெப்பம், பிரிவு – கார்ப்பு

செயல் --- வெப்பமுண்டாக்கி ------ stimulant

          அகட்டுவாய்வகற்றி --- carminative

          பசித்தூண்டி ------- -------- stomachic

          வியர்வை பெருக்கி --- diaphoretic

குணம் --- மேகசுரம், சீதசுரம், வேட்டை, சுவாசம், காசம். தாகம், பித்தம், வாந்தி, வாய்ப்புண், மேகக் கட்டி, தாது நட்டம், கைப்பு, அருசி, இவைகளைப் போக்கும்.

பாடல் ---

மேகசுரம் சீதசுரம் வெட்டை சுவாசங் காசம்

தாகபித்தம் வாந்திசர் வாசியநோய் – மேகத்தின்

கட்டியோடு தாதுநட்டங் கைப்பருசி போக்கிவிடும்

இட்ட இலவங்கத் திலை

                                               ---  அகத்தியர் குணவாகடம்   

உபயோகம் – வயிற்றுப் பொருமல், வயிற்றுவலி, இவைகளுக்கு பயன் தரும். கருவாப்பட்டை தைலம் போல் இந்த இலையில் இருந்தும் தயிலம் எடுக்கலாம் உபயோகிக்கலாம். இந்த இலை லேகியம் சூரணம் மற்றும் மசாலாப் பொருள்களில் கூட்டுச்சேரும் இது நாட்டு மருந்துக் கடைகளில் கிடைக்கும்.